Претседателот на ВМРО-ДПМНЕ, Христијан Мицкоски во вчерашната изјава од Битола, во однос на работата на локалната власт во Битола и предлозите за градоначалници на СДСМ, истакна дека СДСМ предложува стари имиња и корумпирани градоначалници, ВМРО-ДПМНЕ има 95% нови имиња кои прв пат ќе ја бараат довербата од граѓаните и ќе работат чесно.
-Кој и да биде кандидатот на СДСМ во Битола тој и нема што да понуди, затоа што видовте 31 име стари имиња кои ги предложија, нема нешто ново, а заборавија на старите ветувања, за сега да видиме дека даваат нови ветувања, жалам што владеачкото мнозинство не успеа да магнетизира нови луѓе и на локално ниво, а се потпираат на старите корумпирани градоначалници, истакна Мицкоски.
Мицкоски посочи дека за разлика од СДСМ, ВМРО-ДПМНЕ излегува со сосема нови имиња, повеќе од 95% од имињата односно кандидати за градоначалници ќе бидат кои прв пат ќе ја бараат довербата на граѓаните.
-Процесот на реформа во ВМРО-ДПМНЕ заврши, почнуваме со реформа во Македонија, која тоа го заслужува, а за мене патриотизмот во 21 век се луѓе кои ќе работат чесно, честито – порача Мицкоски.
Извор: ВМРО ДПМНЕ
