По повод одбележувањето на 12 август, Меѓународниот ден на младите, Агенцијата за млади и спорт (АМС) во соработка со Националниот младински совет на Македонија (НМСМ) и Сојузот за младинска работа (СМР) организира Хакатон за поддршка на решенија кои целат кон активно вклучување на младите и поддршка на нивниот личен и социјален развој.
Во рамки на настанот за претставување и избор на најдобрите иновации кој ќе се одржи на 12 август (четврток) 2021 од 18:00 до 22:00ч во надворешниот дел на Музеј на современа уметност предвидено е сите заинтересирани организации да имаат штандови на коишто ќе ги промовираат своите активности, проекти и можности за младите луѓе.
Заради полесна организација, доколку сте заинтересирани за учество, ве замолуваме да го пополните овој формулар.
