Гевгелија: Објавени конкурсите од МОН за ученички стипендии за 2021/22 година

Министерството за образование и наука на РСМ ги објави конкурсите

за ученички стипендии за 2021-2021 година. Согласно наставните планови и програми, учениците од I, II, III и IV година во СОУ „Јосиф Јосифовски“- Гевгелија можат да аплицираат на следниве конкурси за стипендии:

            – стипендии за социјална поддршка на ученици;

            – стипендии за ученици- деца без родители;

            – стипендии за талентирани ученици;

            – стипендии за ученици запишани во дуални паралелки;

            – стипендии за ученици запишани во тригодишно стручно образование;

            – стипендии за ученици од машинска струка и

            – стипендии за ученици од угостителско- туристичката струка.

            Право на стипендија имаат кандидатите кои исполнуваат следните oпшти услови:

1. Да се редовни ученици од I, II, III и IV година;

3. Да не повторувале година во текот на образованието;

4. Да не се корисници на стипендија од други институции или фирми;

5. Да се државјани на Република Северна Македонија.

             Посебните услови за секоја стипендија се наведени во конкурсите. Пријавувањето е електронски, со прикачување на потребната документација на веб-апликацијата: http://e-uslugi.mon.gov.mk. Доколку кандидатите немаат можност  да аплицираат електронски, пополнуваат хартиена пријава (евидентен лист) и ја доставуваат потребната документација по конкурсот во Министерството за образование и наука.

              Пријавувањето трае 15 дена, од 01.09.2021, а трае  до 15.09.2021 година, од 08 до 16 часот.