spot_imgspot_img
spot_img
spot_img
HomeПолитички партииЛевицаЛозарите бараат повисоки и гарантирани цени за грозјето

Лозарите бараат повисоки и гарантирани цени за грозјето

На почетокот на оваа сезона на бербата на грозјето, лозарите се соочуваат повторно со истите долгогодишни проблеми.

Цената по која се откупуваше грозјето долги години е 11 денари за смедеревка и 13 денари за вранец, цена која е нерентабилна, додека лозарите бараат да им се исплаќа по 16 и 17 денари.

Од година во година цената и квалитетот на домашните вина постепено расте, продажбата е проширена и зголемена, а цената на суровината е на исто ниво.

Оттука и незадоволството кај лозарите, и вината за ниските откупни цени на грозјето ја гледаат во винариите и државата. Тие бараат фер цена за грозјето, банкарски гаранции за исплатата, како и контроли за шеќерноста за да нема манипулации кај истата.

Левица како партија на работниот народ и земјоделците, во потполност ги поддржува барањата на лозарите за државно гарантирана рентабилна цена на грозјето, и партнерски, а не поданички однос меѓу винариите и лозарите.

Лозарството е гранка со голема традиција кај нас, и за успех на истата потребно е ослободување на лозарите од прангите на винската олигархија.

Извор:  ЛЕВИЦА

Прочитајте

Карпош: Координативна средба за подигање на хигиената

0
Градоначалникот на Општина Карпош, Стевчо Јакимовски, вчера одржа координативен состанок со претставниците од Одделението за месна самоуправа и вработените коишто се задолжени за одржување...