Советот на млади при Општина Делчево во пресрет на новогодишните празници, заедно со своите соработници, организира голема хуманитарна акција насловена „Новогодишна трпеза за сите“. Целта на активноста е да се овозможи достојна прослава на празничните денови кои ни претстојат за најранливите категории граѓани.
– Се надеваме дека хуманоста ќе ни помогне и овојпат за повеќе детски насмевки и родителска среќа преку донација на храна, финансии, детски пакетчиња или донација по избор на граѓаните и согласно со можностите. Сите собрани донации ќе бидат поделени на оние на кои им е најпотребна помошта во соработка со надлежните институции – велат членовите на Локалниот младински совет.
Акцијата ќе се одвива на следните датуми и локации :
– 07-17.12.2021 во просториите на ОУ „Ванчо Прке“
– 13-17.12.2021 (12-14 часот) во просториите на СОУ „М.М.Брицо“
– 14.12.2021 во просториите на ОУ „Св. Климент Охридски“
– 09-10.12.2021 во просториите на ОО Црвен Крст
– 09-14.12.2021 во просториите на Пензионерското друштво
Донациите кои ќе се донесат може да вклучуваат:
– новогодишни пакетчиња
– нерасиплива храна
– финансиски средства или донација по Ваш избор
Сите собрани донации ќе бидат поделени на оние на кои им е најпотребна помошта во соработка со надлежните институции. Акцијата се спроведува со поддршка од Градоначалникот на Општина Делчево и Советот на Општината заедно со СОУ „Методи Митевски – Брицо” – Делчево, „Св.Климент Охридски“ Делчево, ООУ„Ванчо Прке“ – Делчево, Црвен крст на Република Северна Македонија-Општинска организација Делчево и Здружение на пензионери Делчево.
Извор: Општина Делчево
