МНР: Османи на состанокот на министрите за надворешни работи на Берлинскиот процес

МинистерстваМНР: Османи на состанокот на министрите за надворешни работи на Берлинскиот процес

Најчитано

На 21 октомври 2022 година во Берлин, министерот за надворешни работи г-дин Бујар Османи учествуваше на состанокот на министри за надворешни работи одржан во рамките на Берлинскиот процес, чиј домаќин оваа година беше министерката за надворешни работи на Германија, Аналена Бербок.

Берлинскиот процес како процес комплементарен на евроинтеграцискиот процес на земјите од Западен Балкан, има за цел изградба на рамка за унапредување на односите меѓу земјите од Западен Балкан во насока на достигнување на економски раст и развој, отворена пазарна економија и забрзување на реформскиот напредок во интерес на поскора интеграција кон ЕУ.

На состанокот министрите усвоија Декларација за имплементација на заедничкиот регионален пазар и потпишување на договорите за признавање на академски квалификации/дипломи, професионални квалификации и патување со лични карти во Регионот.

Меѓу темите кои беа дискутирани за време на состанокот беа и енергетската криза и потребата од солидарност од земјите членки на ЕУ, заштитата на животната средина и Зелената агенда, улогата на граѓанското општество и вклученоста на младите.

Во своето излагање, министерот Османи се осврна на предизвиците со кои се соочува Северна Македонија и на мерките преземени за нивно поскоро решавање. Нагласи дека она што се смета за особено важно за нас е, од една страна, иницијативата за Берлинскиот процес да обезбеди поврзаност со ЕУ процесите, но истовремено и да се обезбеди меѓусебна комплементарност преку размена на позитивните искуства на земјите.

“Крајно време е да ги здружиме Заедничкиот регионален пазар и Отворениот Балкан. И двете имаат иста цел и треба да бидат комплементарни, инклузивни и да ја почитуваат нашата потрага за усогласување со acquis. Тоа, исто така, би послужило за ставање на напорите на ЕУ, САД и Велика Британија под еден чадор за поддршка на регионот на Западен Балкан како област на слободни и еднакви граѓани”, подвлече Османи.

Министерот говореше и за потребата од унапредување на културата на дијалог и културата на изнаоѓање на компромисни решенија кои имаат за цел да дадат автентичен придонес во европеизација на земјите од регионот.

Северна Македонија со потпишување на Договорот од Преспа, Охридскиот рамковен договор и Договорот за пријателство, добрососедство и соработка може во голема мера да послужи како пример и модел во насока на носење на идни позитивни решенија за надминување на отворените прашања на Балканот, како и за промоција и унапредување на регионалната соработка, истакна Османи.

 

 

 

 

Извор: Министерство за надворешни работи 

spot_img
spot_img
spot_img
spot_img
spot_img
spot_img
spot_img
https://form.jotform.com/222403480783353spot_img

Последни објави

spot_img
spot_img

Читај повеќе