spot_imgspot_img
spot_img
spot_img
HomeМинистерстваМЖСПП: Нуредини – Се реализира една од најважните препораки на УНЕСКО

МЖСПП: Нуредини – Се реализира една од најважните препораки на УНЕСКО

Министерот за животна средина и просторно планирање, Насер Нуредини, како дел од посетата на општина Дебрца, заедно со градоначалникот на општина Дебрца Зоран Ногачески и со претставници од Програмата за развој на Обединетите Нации, (УНДП) изврши увид во активностите за реставрација и пренасочување на природното речно корито на река Сатеска што се влева во река Црн Дрим.

Нуредини – Се реализира една од најважните препораки на УНЕСКО

“Преземаме конкретни активности како Министерство за имплементирање на нашите заложби за заштита на животната средина, а проектот за реставрација на коритото на река Сатеска и пренасочување во нејзиниот природен тек, покрај тоа што е една од клучните активности за зголемување на отпорноста на регионот кон климатски индуцираните ризици од поплави, има особено значење за нас во делот на конечно решавање на еколошкиот проблем од влијанието на сегашното корито и влив на река Сатеска во Охридско Езеро. Загадувањето на уникатниот Охридски екосистем е нотирано како клучен проблем и токму затоа наша должност и обврска е да го заштитиме и зачуваме природното и културно наследство на ова значајно УНЕСКО подрачје”, истакна министерот Нуредини.

сатеска

Реставрацијата на коритото на река Сатеска и пренасочување во нејзиниот природен тек се имплементира преку Програмата за развој на Обединетите Нации (УНДП) и Министерството за животна средина и просторно планирање, како дел од регионалниот проект за интегрирано-климатски отпорно управување со ризиците од поплави во Дримскиот слив, финансиран од страна на Фондот за адаптации. Предвидено е целосно комплетирање на активностите кон крајот на месец март, 2023 година.

 

 

 

 

Извор: Министерство за животна средина и просторно планирање

Прочитајте

МЗ: Средба со директорот на ФЗОМ – Разгледани можностите за проширување...

0
Министерот за здравство Арбен Таравари одржа состанок со директорот на Фондот за здравствено осигурување, д-р Александар Клековски, претставници на Фарамабренд-Нова (асоцијација на иновативни фармацевтски...