Центар: Во наредниот период засилени контроли на застаклените тераси на локалите

ОпштиниЦентар: Во наредниот период засилени контроли на застаклените тераси на локалите

Најчитано

Во наредниот период, Секторот за инспекциски работи на Општина Центар ќе започне со засилени инспекциски контроли на застаклените тераси на рестораните, кафе баровите и останатите локали.

Акцијата ќе ги опфати сите нелегално изградени и застаклени тераси пред и околу локалите, кои не поседуваат одобрение за поставување на урбана опрема и друга соодветна документација за истите.

„Со оваа активност започнуваме да воведуваме ред во начинот на поставување и одржување на летните тераси на кафеаните, рестораните, кафе баровите и другите локали кои вршат дејност на подрачјето на Општина Центар. Целта е да се отвори просторот и да се ослободат јавните површини и да не им пречат на граѓаните, затоа што јавниот простор е наше заедничко добро“, изјави градоначалникот на Општина Центар, Горан Герасимовски.

Во деновите што следат активна ќе биде и градежната инспекција, која ќе врши надзор на изградените доградби на објектите и ќе ги санкционира сите објекти кои се спротивни на Програмата за поставување на урбана опрема на подрачјето на Општина Центар.

По вчерашното отстранување на доградбата на бутик на улица „Македонија“, градоначалникот Герасимовски посочи дека нема да има толеранција за нелегални објекти на во Општина Центар.

Општина Центар повторно апелира до сите инвеститори и сопственици на објекти и доградби да ја поседуваат целосната документација и да ја имаат подмирено комуналната такса. Во спротивно, општината ќе ги санкционира, а доколку е потребно и ќе ги отстрани нелегалните доградби, со што трошокот за отстранување ќе падне на товар на сопствениците на објектите.

 

 

 

 

Извор: Општина Центар 

spot_img
spot_img
spot_img
spot_img
spot_img
spot_img
spot_img
https://form.jotform.com/222403480783353spot_img

Последни објави

spot_img
spot_img

Читај повеќе