spot_imgspot_img
spot_img
spot_img
HomeМинистерстваМЗ: Министерот Меџити одржа состанок со Лекарската комора

МЗ: Министерот Меџити одржа состанок со Лекарската комора

Министерот за здравство, Фатмир Меџити, заедно со заменик министерката, Маја Манолева одржаа состанок со Лекарската комора на РСМ, каде централна тема беше справување со предизвиците на миграцијата на лекарите и предизвиците со кои се соочуваат во нашата држава.

На оваа средба се истакна дека го препознаваме вредниот придонес што лекарите го даваат во нашиот здравствен систем и ја разбираме важноста да се осигураме дека тие ја имаат потребната поддршка за да продолжат да обезбедуваат квалитетна нега.

Прашањето за миграцијата на лекарите е сложено прашање и ние сме посветени да работиме со Лекарската комора за изнаоѓање ефективни решенија.
За време на состанокот, се разговараше и за начините за скратување на административните процедури за лекарите, со што ќе им биде полесно да се вработат, да се соочат со системот и да се фокусираат на тоа што најдобро го прават – грижата за пациентите. Сметаме дека тоа не само што ќе им користи на лекарите, туку и ќе го подобри севкупниот квалитет на здравствената заштита во нашата земја.

Дискусијата беше продуктивна во насока на изнаоѓање решенија кои ќе бидат од полза за сите вклучени страни.

 

 

 

Извор: Министерство за здравство 

Прочитајте

АХВ: Бабовски реизбран за генерален секретар на WOAH за Европа

0
Директорот на Агенција за храна и ветеринарство, Николче Бабовски вчера во Париз, Франција реизбран е за Генерален секретар на регионалното претставништво на Светската организација...