spot_imgspot_img
spot_img
spot_img
HomeОпштиниПехчево: Реконструкција на сува комора на резервоар во село Црник

Пехчево: Реконструкција на сува комора на резервоар во село Црник

Заврши реализацијата на проектот „Реконструкција на сува комора на резервоар во село Црник, Општина Пехчево“ во вредност од 1.103.803,00 денари.
Финансиските средства Општина Пехчево ги има обезбедно од страна на Министерството за транспорт и врски, Потпрограма 11 – Поддршка на имплементацијата на Декада и Стратегија за Ромите за 2022 година.
Со реализацијата на овој проект, променети се сите фасонски делови во резервоарот, пуштена е во употреба втората комора од резервоарот и поставена е дополнителна опрема за хлорирање на водата.
Постоечката водоводна арматура и фасонски парчиња беа застарени нефункционални и можеше да дојде до нивно пукање, па затоа истите се заменети со нови.
Село Црник во летните и сушни периоди имаше недостаток на вода и населението остануваше без вода за пиење, но со пуштање во употреба на втората комора од резервоарот проблемот со водоснабдување е решен.
Со поставената дополнителна опрема за хлорирање на водата ќе се достигне поголем квалитет на истата и уништување на сите патогени и факултативно патогени микроорганизми.
Со реализација на проектот „Реконструкција на сува комора на резервоар во село Црник, Општина Пехчево“ постигната е целта односно обезбедена е чиста вода за пиење на населението и подобрено е водоснабдувањето на селото.
Го исполнуваме и реализираме ветеното на граѓаните!

Прочитајте

Бутел: По 40 години реконструкцијата на улицата “Натанаил Кучевишки”

0
Нема запирање кога се работи за доброто на граѓаните и за нивните потреби. Денес, започна реконструкцијата на улицата “Натанаил Кучевишки” со површина од 3000...