На средбата што ја имаа заменик-директорот на Агенцијата за храна и ветеринарство, Денис Алити, и директорот на Агенцијата за примена на јазикот, Ардијан Муслиу, а на која присуствуваа и државните советници на АПЈ, Неби Билали и Рената Баланца-Асани, се договори АПЈ да ја преземе одговорноста за превод од македонски на албански јазик на целата документација на горенаведената агенција.
Алити нагласи: „Сакаме албанскиот јазик да се користи на сите нивоа на Агенцијата за храна и ветеринарство, вклучувајќи ги и подрачните единици, со посебен акцент на сертификатите“.
Иако обемот на работа на АПЈ е голем, директорот вети дека преведувачите и лекторите интензивно ќе работат на исполнување на барањето на Агенцијата за храна и ветеринарство, во најкус можен рок.
Извор: Агенција за примена на Јазикот што го зборуваат најмалку 20 % од граѓаните
