Завчера завршија работите на реконструкцијата на улица 38, крак на улицата Македонско Косовска Бригада, во Општината Шуто Оризари.
По налог на Град Скопје екипите на ЈП Улици и патишта, за само неколку дена успешно ја реализираа поставената цел за реализација на реконструктивниот зафат и на општо задоволство на жителите, денес ја завршија реконструкцијата.
Со реализацијата на овој проект, граѓаните на Шуто Оризари во должина од 450 метри добиваат 1800 квадратни метри нова патна инфраструктура и решение за долгогодишни проблеми во овој дел од градот. Во текот на реконструкцијата извршен е ископ на оштетен асфалт, се постави нов слој тампон и се асфалтира целосно оформената површина со нова асфалтна маса тип БНС- 16.
Град Скопје, планира наскоро на овој потег, да изврши реконструкција и на улиците 50 и 40, со што ќе се опфати поголем дел од сообраќајниците што се од витално значење за граѓаните.
Нашите сограѓани заслужуваат да се слушне нивниот глас и реализираат нивните барања. Главната цел на тековните градски градежни активности во Скопје е градот да се развива рамномерно, со реализација на проекти и во урбаниот и во руралниот дел.
Извор: Град Скопје
