Заменик министерката за надворешни работи на Република Северна Македонија, Фатмире Исаки, на 10.07.2023 година, оствари средба со државната секретарка за надворешни работи и култура на Република Индија, Менакаши Леки.
На средбата беа разгледани добрите билатералните односи меѓу двете земји, како на политички така и на економски план, при што заеднички беше констатирана потребата од нивно натамошно унапредување и продлабочување.
Соговорниците се согласија за потребата од организирање на средби на високо и највисоко ниво, што ќе даде нов импулс во билатералните односи.
Од индиска страна беше покрената иницијатива за потпишување Договор за партнерство за мобилност на трудот и работната сила меѓу Република Индија и Република Северна Македонија .
Покрај прашањата од доменот на билатералните односи, беа разменети и мислења за мултилатералната соработка и актуелните меѓународни прашања.
