spot_imgspot_img
spot_img
spot_img
HomeВладаПреку владините мерки за нови инвестиции, создадовме поволен делoвен амбиент кој овозможува...

Преку владините мерки за нови инвестиции, создадовме поволен делoвен амбиент кој овозможува отворање на нови, конкурентни работни места и подобри плати

Претседателот на Владата на Република Северна Македонија, Димитар Ковачевски денеска беше во посета на првата домашна компанија, „Дата Мастерс“, специјализирана во консалтинг и имплементација на решенија во областа на вештачката интелигенција и напредна аналитика која бележи успеси и надвор од границите на нашата држава.

„Компанијата за 5 години прерасна од 0 вработени во 50 вработени. Компанијата има 60 клиенти, 50 вработени, бројот на вработени се зголемува и бидејќи овие денови јавната дискусија се води околу „големи“, тие се големи работат за клиенти од Абу Даби, од Лисабон, САД. Останува Африка за освојување. Верувам дека и тоа ќе се случи. Така што, ако нешто е големо во Македонија во моментов, тогаш вакви компании се големи. И потврдуваат дека Северна Македонија е конкурентна на светскиот пазар“, изјави премиерот Ковачевски, при посетата на компанијата „Дата Мастерс“, додавајќи дека го радува фактот што доколку се инвестира во вистински индустрии тогаш нашите млади се враќаат во земјава.

„Тие користеа и државна помош. Разговаравме дека законот е добар, кој Владата го има донесено за поддршка на инвестициите. Веќе имаат искористено финансирање според овој закон со кој го унапредуваат своето работење, го зголемуваат бројот на вработени и ја зацврстуваат својата пазарна позиција.

Она што ме радува е што голем број компании препознаваат што тие работат и какви бенефиции може да донесе и користи за нивните клиенти и се повеќе македонски компании се вклучуваат во користењето на услугите кои ги прават. Она што многу ме радува е тоа што тие се многу скромни и нема да кажат, меѓутоа ако го видите здравствениот систем на еден од најдобрите во светот, во менаџирањето на здравствени системи, а тоа е на еден од ОАЕ, на Абу Даби тогаш целиот систем е направен тука, во оваа зграда“, истакна премиерот Ковачевски.

Премиерот порача дека Владата продолжува да поддржува домашни компании. „Оваа година имаме рекорден број на апликации за поддршка на инвестициите 467 апликации. Минатата година мислевме дека е рекордна меѓутоа оваа ја надмина за 2/3 бројот на компании кои аплицирале. Веќе се потпишани 269 договори со компании за инвестирање, зголемување на нивните производствени капацитети, нивните услужни капацитети. Најголем број на компаниите се токму од областите кои што работи „Дата Мастерс“ и сметам дека Владата мора, е и треба да е партнер токму на вакви инвестиции и на развој на вакви компании, кои потврдуваат дека ние имаме наши млади граѓаните кои можат да се носат со сите компании во ЕУ и САД“, рече премиерот Ковачевски на настанот.

Пред присутните се обрати и Филип Петровски, еден од основачите на компанијата „Дата Мастерс“, којшто нагласи дека повеќето од вработените во компанијата се вратиле од странство. Нивната мисија, како што нагласи Петровски, е да покажат дека нашата земја има знаење и искуство и може да се носи со големите консултантски компании во светот.

„Нашата мисија е да покажеме дека имаме знаење и дека тука можеме да направиме пазар и можеме да ја развиеме најголемата и најтренди индустрија во светот“, посочи Петровски, кој се заблагодари на премиерот Ковачевски за посетата.


Претседателот на Владата на Република Северна Македонија, Димитар Ковачевски денеска беше во посета на нашата прва домашна компанија, „Дата Мастерс“, специјализирана во консалтинг и имплементација на решенија во областа на вештачката интелигенција и напредна аналитика.

Во продолжение го пренесуваме интегралното обраќање на премиерот Димитар Ковачевски:

„Дарко е извонреден практичар во областа на управувањето со податоци, Филип е јас би кажал еден од нашите најдобри амбасадори во светот, покрај тоа што има компанија тука во Македонија тој е и исклучително признат во ЕУ исто така и Мартина. Имаат формирано компанија „Дата Мастерс“ која што работи на вештачка интелигенција, управување со податоци, data ware house системи и data maining системи. Ако треба да најдеме 4-5 области кои што се дел од 4-тата индустриска револуција тогаш тоа се тие области и тие области се работат точно во оваа компанија.

Компанијата е формирана пред 5 години. Ние сме имале разговори 2 пати по 5 години пред 10 години. Дарко знаеше дека иднината е токму во овие области. Компанијата за 5 години прерасна од 0 вработени во 50 вработени. Она што мене ме радува и што потврдува дека доколку се инвестира во вистински индустрии тогаш наши млади, стручни се враќаат во Македонија и ако се качите во нивните простории ќе видите наши вработени инженери кои работеле во Грција, во Португалија, Виена и кои што работат на проектите кои ги има оваа компанија.

Компанијата има 60 клиенти, 50 вработени, бројот на вработени се зголемува и бидејќи овие денови јавната дискусија се води околу „големи“ , тие се големи работат за клиенти од Абу Даби, од Лисабон, САД. Останува Африка за освојување. Верувам дека и тоа ќе се случи. Така што, ако нешто е големо во Македонија во моментов, тогаш вакви компании се големи. И потврдуваат дека Северна Македонија е конкурентна на светскиот пазар.

Тие користеа и државна помош, разговаравме дека законот е добар кој Владата го има донесено за поддршка на инвестициите, веќе имаат искористено финансирање според овој закон со кој го унапредуваат своето работење, го зголемуваат бројот на вработени и ја зацврстуваат својата пазарна позиција.

Она што ме радува е што голем број компании препознаваат што тие работат и какви бенефиции може да донесе и користи за нивните клиенти и се повеќе македонски компании се вклучуваат во користењето на услугите кои ги прават. Она што многу ме радува е тоа што тие се многу скромни и нема да кажат, меѓутоа ако го видите здравствениот систем на еден од најдобрите во светот, во менаџирањето на здравствени системи а тоа е на еден од ОАЕ, на Абу Даби тогаш целиот систем е направен тука, во оваа зграда.

Сакам да им се заблагодарам за гостопримството. Ние како Влада продолжуваме да поддржуваме домашни компании. Оваа година имаме рекорден број на апликации за поддршка на инвестициите 467 апликации. Минатата година мислевме дека е рекордна меѓутоа оваа ја надмина за 2/3 бројот на компании кои аплицирале. Веќе се потпишани 269 договори со компании за инвестирање, зголемување на нивните производствени капацитети, нивните услужни капацитети.

Најголем број на компаниите се токму од областите кои што работи „Дата Мастерс“ и сметам дека Владата мора, е и треба да е партнер токму на вакви инвестиции и на развој на вакви компании, кои потврдуваат дека ние имаме наши млади граѓани кои можат да се носат со сите компании во ЕУ и САД.“.

 

 

 

 

Извор: Влада

Прочитајте

Дојран: Дојран Гурман Фест 2024

0
Дојран Гурман Фест 2024– гастрономско патување низ вкусовите на традиционалната кујна од Дојран приготвени од вештите раце на жените од “Здружение на жени-Дојрана” кои...