Во НУЦК „Антон Панов“, по иницијатива на градоначалникот Костадин Костадинов, се одржа настан посветен на првачињата од струмичките основни училишта кои на 1 септември за првпат го пречекорија училишниот праг. Специјално за нив беше изведена театарската претстава „Пат околу светот“, на која и претходеше обраќање на градоначалникот Костадинов, со кое на првачињата им посака успех во совладувањето на знаења и вештини.
Во своето обраќање пред струмичките првоодделенци градоначалникот Костадинов меѓу другото истакна: „Кога јас бев првооделенец бев исклучително горд, среќен и желен за нови знаења. Бидете такви и вие. Бидете послушни и вредни во совладувањето на нови знаења , бидете позитивни и со задоволство ширете го другарството меѓу вас, оти другарството е едно големо и непроценливо богатство. Само така ќе успеете да чекорите по вашиот вистинскиот пат во образованието. Само така ќе успеете да станете луѓе за пример и почит“.
Извор: Општина Струмица
