Гази Баба: Улица Модест Мусоргски во Триангла ќе добие нов лик

Наскоро започнува целосна реконструкција и ревитализација на улицата Модест Мусоргски во н.Триангла.

Оваа улица е изградена по земјотресот во 1963 година и по 60 години истата ќе добие нов модерен и урбан лик.

 Со реализација на овој проект се предвидува асфалтирање на коловозот и изградба на пешачки патеки со павер елементи од двете страни на улицата.

Вредноста на договорот е 4.000.000 денари, средства определени од буџетот на Oпштина Гази Баба.

Постапката за избор на економски оператор е завршена и наскоро ќе започнат градежните активности на терен.

Патната инфраструктура е важен елемент кој влијае врз безбедноста на патниот сообраќај и поради тоа реализираме голем број на проекти во функција на подобрување на патната инфраструктура во сите населени места низ општината.