spot_imgspot_img
spot_img
spot_img
HomeОпштиниСтрумица: Соработка со Здружението „Проект среќа“

Струмица: Соработка со Здружението „Проект среќа“

Градоначалникот Костадин Костадинов и претседателката на Здружението „Проект среќа“ Кристина Арнаудова Петровски  потпишаа Меморандум за соработка меѓу Општина Струмица и Здружението.

Соработката ќе вклучува заедничка работа во подобрување на  едукацијата и влијанието врз децата и младите од основните  и средните училишта на теми филантропија, општествена одговорност, емпатија, донирање, прифаќање на различностите, спречување на врснички булинг, еднаков пристап до образование, и социјализација на децата и младите во социјален ризик, како и заедничко влијание кога на одредена личност или семејство им е потребна помош и поддршка.

Во рамките на воспоставената соработка ќе биде изведена претставата „Ех, да можев…“ на тема врсничко насилство за учениците од 4 до 9 одделение следниот месец во Центарот за култура „Антон Панов“.

Претставата е создадена од реални случки на булинг и ја играат деца кои биле или се жртви на булинг. Ова е прва ваква престава во нашата земја, која реално ги опишува состојбите и чувствата на децата, кои и самите тоа го доживуваат.

 

 

 

Извор: Општина Струмица 

Прочитајте

Карпош: Реакција на соопштение на МВР

0
Општина Карпош реагира на соопштението на Министерството за внатрешни работи по повод тепачка во Злокуќани, а потоа и на Клиничкиот центар Мајка Тереза. Локалната...