spot_imgspot_img
spot_img
spot_img
HomeОпштиниЦентар: Поддршка за граѓанската петиција за преземање конкретни мерки за безбедност на...

Центар: Поддршка за граѓанската петиција за преземање конкретни мерки за безбедност на децата

Општина Центар дава целосна поддршка на петицијата потпишана од група граѓани/родители чии што деца учат во ОУ „Коле Неделковски“ во Општина Центар-Скопје. Петицијата која е доставена до МВР, МОН, Министерството за труд и социјална политика, Министерството за локална самоуправа и Општина Центар е резултат на загриженоста на родителите за безбедноста на децата во реонот на Дебар Маало откога пред два месеци тие алармираа за насилство и девијантни однесувања од малолетници.

Во петицијата во која како родител се потпиша и градоначалникот на Општина Центар Горан Герасимовски се бара редовно полициско патролирање на локациите во општината каде се собираат младите, нивна едукација за препознавање на деликвентни појави и разни облици на насилство и педофилија, видео надзор и контрола во и надвор од училиштата, како и измени на законите со цел да се формира комунална полиција во рамките на локалната самоуправа.

Општина Центар е отворена за институционална соработка со цел да им се излезе во пресрет на граѓаните за безбедност на нивните деца, по алармот на родителите и по немилите настани кои се случија во реонот на Дебар Маало и округот на училиштето Коле Неделковски.

 

 

 

 

Извор: Општина Центар 

Прочитајте

МЗ: Министерот Таравари во посета на хируршките клиники – До петок...

0
Министерот за здравство, д-р Арбен Таравари денеска по извршеното примопредавање на функцијата веднаш излезе на терен и ги посети хируршките клиники во клиничкиот комплекс,...