Тоа што нѐ прави поинакви, што е одраз на нашата душа, што прави да бидеме ние, а не некој друг е нашиот јазик. Делата напишани со него се нашето богатство, нашето наследство.
На регионалниот натпревар по македонски јазик и литература организиран од Сојузот на Друштвата по македонски јазик на Р. Македонија (со акредитација од МОН) одржан на 18.11.2023 на Филолошки факултет „Блаже Конески“ учениците од ООУ „Владо Тасевски“ постигнаа одлични резултати. Ученичките Ана Темјановска и Анастасија Ристевска од 7 одделение, освоија први места, со најмногу бодови од регион Скопје, одлични резултати имаат и Камелија Стоев и Софија Крстева од 9 одделение, кои се пласираа на трето место. Учениците кои успешно се претставија на регионалниот натпревар под менторство на наставникот по македонски јазик Соња Деловска продолжуваат на државен натпревар. Браво ученици!
Извор: Општина Карпош
