Градоначалникот Никола Најдовски во неговиот работен кабинет оствари средба со генералниот секретар на Црвен крст на Р. Македонија, д-р Саит Саити, а во рамки на проектот ПХВ – промоција на хумани вредности, каде што се разговараше за идни нови проекти коишто се изработуваат во интерес на општествената заедница.
Саити ја поздрави агилноста, ажурноста и тимското работење од страна на ОО Црвениот крст на Демир Хисар и ја поздрави и потенцираше важноста и поддршката од градоначалникот и Општина Демир Хисар во спроведување на сите програмски активности, односно афирмацијата на хуманите вредности и иницијативи.
Согласно утврдена Агенда, градоначалникот Најдовски и генералниот секретар на Црвениот крст, Саит Саити, присуствуаа на натпреварот во футсал помеѓу средношколци од СОУ „Крсте П. Мисирков“ и Спортска академија на ФФМ во Битола за деца од средношколска возраст кој се одржа во спортската сала „Јордан Пиперката“ во Демир Хисар.
Извор: Општина Демир Хисар
