Градоначалникот Дарко Костовски во изјава за телевизија “Алфа”, во врска со изградбата на споменик за македонските бранители, кои загинаа во 2001 год. кај Љуботенски бачила, истакна дека Општина Бутел, денес започна да ја изработува целата документација за изградба на споменикот.
“Веднаш до кружниот тек во Бутел е локацијата на која треба да се изгради достоинствен споменик, за осумтемина македонски херои кои во 2001 година, во кукавичка заседа загинаа кај Љуботенски Бачила. Само на тој начин, нема да ја заборавиме нивната жртва за Република Македонија. Иако уредно беше поканета министерката за одбрана, таа одби да дојде и заедно да ја погледнеме локацијата. Се надевам дека нејзината потврда за изградба на овој споменик не е само декларативна. Времето ќе покаже. Општина Бутел и јас како нејзин градоначалник, денес започнавме да ја изработуваме целата документација за изградба на споменикот”-изјави градоначалникот Дарко Костовски.
Извор: Општина Бутел
