Ден за историја. Она што за многумина беше само утопија, за градоначалникот Дарко Костовски и неговиот тим беше мотив за решавање на еден од најголемите децениски проблеми во општина Бутел – стабилно водоснабдување за Љубанци и Љуботен. Носечкиот проект пред изборите ќе биде реалност. Наскоро, ќе се изработи целосната проектна документација за овој проект. По завршување на целиот проект, истиот ќе биде предаден на стратешкиот партнер на општина Бутел, САД со чии финансиски средства ќе се реализира овој голем проект.
Со реализирање на проектот за водоснабдување на Љубанци и Љуботен, проблемот на над 3500 жители ќе биде решен и жителите на овие две населени места ќе добијат питка вода за пиење.
Градоначалникот Дарко Костовски изрази голема благодарност до најголемиот стратешки партнер, Амбасадата на САД со чијашто целосна поддршка се реализира еден од најголемите проекти во историјата на Општина Бутел.
Влогот во обезбедување на основни услови за живот за граѓаните на општина Бутел е влог во иднината!
