Министерот за информатичко општество и администрација, Азир Алиу, денеска учествуваше на Годишната конференција за децентрализација и локално управување, под наслов ,,Граѓаните во фокус: Креирање иднина со поквалитетни локални услуги, организирана од Програмата за развој на Обединетите нации – УНДП и Министерството за локална самоуправа.
На панел сесијата „Дигитален отпечаток: Трансформација на општините во ерата на технологијата“ на која министерот Алиу учествуваше како панелист, истакна дека дигиталната трансформација придонела големи промени во начинот на кој граѓаните комуницираат со институциите и услугите.
,,Ние како МИОА го подготвивме Законот за безбедност на мрежни и информациски системи и дигитална трансформација што се очекува да биде усвоен од Владата денеска, закон кој ќе игра важна улога во олеснувањето на оваа трансформација и во обезбедувањето можности за граѓаните.“, заклучи министерот Азир Алиу.
Извор: Министерство за информатичко општество и администрација
