Денес, градоначалникот Дарко Костовски го потпиша Mеморандумот за соработка помеѓу oпштина Бутел и “Макпетрол”, со којшто локалната самоуправа се приклучи на проектот “Крени глас против врсничкото насилство”.
Овој проект ќе се спроведува во сите општински основни училишта, преку едукативни работилници за учениците.
Воедно, општина Бутел е една од првите општини којашто силно се посвети на решавање на проблемот со врсничко насилство.
Општината презеде повеќе активности и овозможи обуки за стручниот и наставниот кадар во основните училишта и градинките.
Општина Бутел секогаш ќе биде партнер за реализација на проекти, кои се во насока на надминување на каков било вид насилство.
Извор: Општина Бутел
