Берово: Младинци заминаа на седумдневна обука во Монтана, Бугарија како дел од проектот„Волонтери преку граница“

ОпштиниБерово: Младинци заминаа на седумдневна обука во Монтана, Бугарија како дел од...

Најчитано

Десет младинци од Берово, деновиве ќе следат седумдневна обука во Монтана, Бугарија, во рамките на активност 5: Зголемување на капацитетите на волонтерските друштва за реакции при кризи, како дел од проектот „Волонтери преку граница“ CB006.2.12.117.

Низ 80 академски часови,  предвиден е теоретски и практичен дел, односно теренска демонстрација пред волонтерите,  за справување со пожари и друг вид на природни катастрофи, како и спасувачки техники.

Обуката ја организира Центарот за професионална обука во Монтана, Бугарија – главна дирекција за противпожарна безопасност и заштита на населението.

Како дел од активностите на самоиот проект, обуката имаат можност да ја следат по десет волонтери од Берово и десет од областа Благоевград, од Општините Струмјани, Сандански и Кресна.

Сите волонтери – учесници,  на крајот од обуката ќе добијат сертификати за успешно поминати обуки, во областа на справување со пожари.

Општина Берово во проектот „Волонтери преку граница“ CB006.2.12.117, е водечки партнер, а здружението „Заедно за Сандански“,  се јавува како проектен партнер.

Со реализација на активностите од овој проект, уште еднаш се потврдува грижата за  унапредување на противпожарната заштита и заштитата од природни катастрофи, вложувањето во ресурси за справување со елементарни непогоди.

Инаку во рамките на истоимениот проект, во тек е набавка на ново мултифункционално возило, за справување со природни катастрофи, за потребите на ТППЕ Берово.

 

 

Проект CB006.2.12.117 “Волонтери преку граница”.

Проектот е ко-финансиран од ЕУ преку Интеррег ИПА Прекугранична соработка Бугарија – Северна Македонија Програма 2014-2020, CCI 2014TC16I5CB006. Оваа публикација е издадена со асистенција на Европската Унија преку Интеррег ИПА Прекугранична соработка Бугарија -Северна Mакедонија, Програма 2014-2020,- CCI No 2014TC16I5CB006. Содржината на оваа публикација е во целосна одговорност на Општина Берово и во никој случај не ги одразува ставовите на Европската Унија или на Управувачкиот орган на Програмата.

 

 

Извор: Општина Берово 

spot_img
spot_img
spot_img
spot_img
spot_img
spot_img
spot_img
https://form.jotform.com/222403480783353spot_img

Последни објави

spot_img
spot_img

Читај повеќе