Во рамките на плановите на MИОА за создавање на што е можно побезбедна средина од сајбер напади, Министерот за информатичко општество и администрација, Адмирим Алити им посака добредојде на работната средба на делегацијата составена од престижни израелски компании, експерти од областа на сајбер безбедноста.
Соговорниците разговараа за актуелната состојба, ризиците, пречките и можностите за развој на инфраструктура во сајбер безбедноста, при што се истакнуваше неопходноста од преземање неопходни чекори во овој сегмент.
Додека МИОА е во процес на создавање Агенција за сајбер безбедност, важно е да се искористат искуствата и практиките на земјите кои покажаа успех на овој план.
Соговорниците се договорија да останат во комуникација за да ги разгледат следните чекори за можна соработка.
