Државната комисија за спречување на корупцијата, изминатиот период, беше дел од тимовите на Република Северна Македонија во билатералните скрининзи со Европската унија во неколку области, кои се одржаа во Брисел, Белгија.
Членот на ДКСК Катица Николовска учествуваше во билатералниот скрининг во областа на јавните набавки кој се одржа на 11.11.2022 година, Заменик претседателот м-р Владимир Георгиев и Генералниот секретар м-р Ирена Поповска учествуваа во билатералниот скрининг од областа правосудство и фундаментални права кој се одржа на 01-02.12.2022 година, додека претседателклата на ДКСК Билјана Ивановска учествуваше во билатералните скрининзи во областа економски критериуми и реформа на јавната администрација како и во областа на функционирањето на демократските институции кои се одржаа од 05-07.12.2022 година.
