Министерот за информатичко општество и администрација, Адмирим Алити беше панелист на Академијата за млади лидери, организирана од Националниот демократски институт за меѓународни работи (НДИ), во рамките на проектот WomenLead.
Во конструктивна и енергична атмосфера министерот Алити заедно со Сања Лукаревска, Стефан Андоновски и Арбана Пашоли разговараа за предизвиците и искуствата на политичкиот пат. Министерот упати порака и ги охрабри младите никогаш да не се откажат, да продолжат со обидите да преземат било каков предизвик во политиката, а воедно им порача да бидат решени и истрајни, а како резултат на тоа да се внесат промени и напредок во општеството.
Министерот нагласи дека Академијата и програмите слични на истата, се суштински фактори за зајакнување и унапредување на нивното знаење, како идни лидери да можат да издејствуваат големи промени и да промовираат демократски вредности.
Извор: Министерство за информатичко општество и администрација
