Со поддршка на Заменик претседателката на Владата на РСМ задолжена за политики на добро владеење Славица Грковска, а по иницијатива на Биатлон федерацијата и Агенцијата за млади и спорт беше организирана Конференцијата на тема „Застапеноста на жените во спортските организации/родова дискриминација во спортот. Конференцијата која се одржа во Гостивар, ја отвори заменик директорот на Агенцијата за млади и спорт Амир Билали.
Тој во својот воведен говор ги истакна потребите, но и позитивните ефекти на вклученоста на жените во сите сегменти на спортот.
-Во својата програма за работа посебно внимание обрнувам на вклучување на родовата перспектива во креирањето на политиките и буџетите, што претставува приоритетна цел во Стратешкиот план на Агенцијата за млади и спорт во 2023-2025 година.
Една од темелните вредности на Европската Унија, па и договорот со Унијата, правно не обврзува на почитување на правата од Европската конвенција на човековите права и слободи, истакна Билали.
Со свои анализи и статистички податоци од активностите и проектите на Агенцијата за млади и спорт насочени кон жената во спортот зборуваше долгогодишната советничка за спорт при АМС Татјана Блажевска.
Свои излагања имаа и Кочо Кираца, актуелен претседател на Биатлон федерација на Северна Македонија, Гоце Андриески од Карате Клуб Полог Гостивар, Анета Филипоска од Иницијатива за граѓански интеграции – Гостивар, Фари Селмани од HC Jehona, Кире Анастасоски од ЖКК Гостивар 2009 и Бујар Ибраими како претставника на Училишен Спорт Гостивар.
Трибината овозможи отворена дискусија на повеќе теми меѓу кои:
–Застапеноста на Жените во спортските oрганизации
-Колкава е инволвираноста на жените во донесувањето на конечните одлуки?
-Дали се жените поддржани од колегите мажи при донесувањето одлуки?
-Како да се промовира Лидерство на Жените во Спортските организации?
-Родова дискриминација во спортот
-Како да се спречи родова дискриминација во спортот?
-Дали еднакво се распределуваат јавните пари при родово буџетирање во спортот?
Извор: Агенција за млади и спорт
