Во Гази Баба, на плоштадот во Автокоманда се одржа предновогодишна забава, на која дечињата се забавуваа и радуваа, а во духот на новогодишните празници градоначалникот Бобан Стефковски овозможи и пакетче за секое дете.
Градоначалникот Стефковски се заблагодари на дечињата и родителите кои вечерва присуствуваа на плоштадот во Автокоманда, проследувајќи ја предновогодишната забавна програма, театарска изведба на Отворена Сцена Театар Чекори и детските песни на Детски фестивал Поточиња. Нема ништо повредно на светот од детската насмевка и среќа. А среќата е единственото нешто, кое додека се дели, истото се зголемува.
Овој новогодишен настан ќе прерасне во нова традиција во општина Гази Баба.
Извор: Општина Гази Баба
