spot_imgspot_img
spot_img
spot_img
HomeОпштиниДелчево: Потпишан Договорот за рехабилитација на земјоделскиот пат во Долни Бавчи

Делчево: Потпишан Договорот за рехабилитација на земјоделскиот пат во Долни Бавчи

Градоначалникот на Општина Делчево Горан Трајковски, директорката на Центарот за развој на ИПР, Зујица Ангелова и претставничка од изведувачот на работите СД-ТРАНС,  денеска го потпишаа Договорот за рехабилитација на земјоделскиот пат во месноста Долни Бавчи во Делчево .

Рехабилитацијата на земјоделскиот пат во Долни Бавчи се реализира преку Центарот за развој на ИПР во рамките на проектот „Подобрување на руралната патна инфраструктура преку изградба на пристапни патишта во подрачјата со земјоделска дејност и обработлива површина во ИПР“ на МЗШВ, при што во Делчево ќе се рехабилитира земјоделскиот пат во должина од 1.000 м. и ширина од 4,5 м. кој води од мостот на ул. „Индустриска“ покрај реката Брегалница во месноста Долни Бавчи. Вредноста на Договорот за изградба на овој земјоделски пат е 1.170.855 ден. Работите на терен треба да започнат со подобрување на временските услови, а согласно Договорот, треба да заврпшат до средината на месец април оваа година.

Градоначалникот ТРајковски нагласи дека со реализацијата на овој проект ќе се реши проблемот со пристапот до земјоделските површини и индивидуалните земјоделски стопанства во месноста Долни Бавчи во Делчево и се решава уште еден проблем на земјоделците.

Земјоделците кои имаат земјоделски површини и објекти во месноста Долни Бавчи, за прв пат добиваат соодветна патна инфраструктура. Тоа значи, полесен пристап до земјоделските површини или до нивните индивидуални земјоделски стопанства. При поројни дождови беше оневозможено движењето со возила и со земјоделска механизација до земјоделското земјиште на овој терен. Како Општина го слушаме гласот и потребите на граѓаните и со еден сериозен пристап, бараме трајно решавање на проблемите, истакна Трајковски.

Минатата година беше завршена рехабилитацијата на земјоделскиот пат с. Вирче-с. Град во должина од 1.320 метри, исто така, со поддршка на Центарот за развој на ИПР, а во атарот на Општина Делчево, наредниот период се планира и рехабилитација на земјоделскиот пат во месноста Средни Бавчи.

Извор: Општина Делчево

Прочитајте

МЈА: Лазе Јаќимоски ја презеде функцијата Заменик – Министер за Јавна...

0
Во просториите на Министерството за Јавна Администрација денес беше извршено примопредавање на должноста Заменик - Министер за Јавна администрација. Министерот за Јавна администрација, Горан Минчев, заедно со поранешниот Заменик - Министер на Министерството...