Во издание на Агенцијата за примена на јазикот на РСМ, од печат излезе научна публикација на три јазика Компаративна перспектива на употребата на јазиците, од авторите проф. д-р Илбер Села, проф. д-р Марина Андева и м-р Лазо Матовски.
Промоцијата на овие најнови публикации ( на албански, на македонски и на англиски јазик) доаѓа во пресрет на Меѓународниот ден на мајчиниот јазик што ќе се одбележи на 21 февруари, а во коишто главната тематика е фокусирана кон анализа на јазичните политики на 12 (дванаесет) селектирани држави со повеќејазична традиција и специфика.
Водени од размислувањето низ научен и методолошки пристап да се прикаже правната и институционалната рамка што ја регулира употребата на јазиците во различни општествени области во анализираните држави, авторите се надеваат дека тие ќе бидат од корист за читателската публика и се достапни на официјалната веб-страница на Агенцијата за примена на јазикот на РСМ на албански, на македонски и на англиски јазик.
Авторите на публикацијата би сакале да упатат благодарност до соработниците, рецензентите, стручниот тим од Агенцијата за примена на јазикот на РСМ вклучени во превод и лектура на публикацијата, како и на сите други чинители што помогнаа во нејзината изработка.
Извор: Агенција за примена на Јазикот што го зборуваат најмалку 20 % од граѓаните
