spot_imgspot_img
spot_img
spot_img
HomeМинистерстваМТВ: Зголемување на паричните казни и дополнителни инспектори против нелегално градење

МТВ: Зголемување на паричните казни и дополнителни инспектори против нелегално градење

Ве информираме дека министерот за транспорт и врски Благој Бочварски оствари работна средба со градоначалникот на општина Центар,  Горан Герасимовски.

 

На средбата се разговараше по предлог иницијативата на општина Центар за конфискација на бесправно изградени објекти.

 

Министерството за транспорт и врски ја разгледа иницијативата и смета дека истата треба да биде дополнета со предлози во насока на дестимулација на изградба на нелегални објекти преку :

 

  • зголемување на паричните казни за нелегално изградените објекти како и прогресивни месечни казни

 

  • јакнење на капацитетите на инспекциските служби преку воведување на дополнителни надворешни правни лица кои ќе имаат дејност и овластувања на општински инспекциски служби, имајќи предвид дека општините имаат недоволен број на градежни инспектори.

Во однос на  конфискација на бесправно изградени објекти,  Министерството за транспорт и врски ја поддржува иницијативата на општина Центар како едно од решенијата општините во иднина поефикасно да се справат со нелегалното градење, сметајќи дека потребно е прецизно дефинирање на сите законски одредби што ќе ја регулираат оваа материја.

 

 

 

 

Извор: Министерство за транспорт и врски 

Прочитајте

МЗ: Демири и Манолева – Здравствениот дом Охрид со реновирана Служба...

0
Министерот за здравство д-р Илир Демири и заменик министерката д-р Маја Манолева, денеска се во работна посета на Охрид, каде што ги посетуваат Здравствениот...