Општина Центар минатата година започна со објавување на полугодишни извештаи за издадените правосилни одобренија за градење, доградба и надградба и линиска инфраструктура на територија на општината.
Од месец ноември 2022-ра година, заклучно со месец мај 2023-та, издадени се вкупно 37 правосилни одобренија за градба, од кои 27 се одобренија за градба, 2 одобренија се за линиска инфраструктура, односно улици и 5 одобренија се за доградба/надградба на веќе постоечки објекти.
Општина Центар е првата општина во државата која ја воспостави оваа практика со објавување на издадените одобренија за градење, истовремено поставувајќи позитивен пример и за останатите општини како во Скопје, така и во целата земја.
Минатата недела државната Агенција за заштита на правото на слободен пристап до информациите од јавен карактер го објави својот Извештај за извршената проверка на објавените документи и информации од општините и центрите за развој на плански региони во Република Северна Македонија и ја рангираше Општина Центар како најтранспарентна општина во скопскиот регион.
Полугодишен извештај за издадени одобренија – 11.2022-5.2023
Извор: Општина Центар
