ООУ „Владо Тасевски“ од Општина Карпош деновиве беше домаќин на ООУ „Хасан Приштина“ од Општина Чаир во рамките на активностите за меѓуетничка интеграција во образованието.
Учениците од двете основни училишта каде наставата се одвива на македонски и албански наставен јазик, спроведоа активности од областа на спортот, уметноста и музиката. Исто така, беше спроведена и заедничка работилница од областа на техничкото образование каде основците од двете училишта ги прикажаа своите вештини и способности од овој наставен предмет. Целта на оваа соработка и дружење помеѓу учениците беше размена на искуства од образовниот процес како меѓусебно запознавање на обичаите.
Финансирани со грантови од МОН, овие активности влијаат врз работните обврски кај учениците, а имаат и позитивен аспект во формирањето и развојот на личноста, како и почитување на различните етнички заедници кои живеат во земјава.
