На добро познатата локација кај езерцето, во првиот дел од Градскиот парк, оваа сабота (09.09.2023 година) Градот Скопје за граѓаните организира медена филмска вечер со проекцијата на хитот „Медена земја“. Киното на отворено е одлична можност граѓаните да уживаат во македонски филм во еден од последните викенди ова лето.
Проекцијата на филмот „Медена земја“ од режисерите Тамара Котевска и Љубомир Стефанов ќе почне во 20 часот.
Бесплатната саботна филмска вечер е дел од богатата културна понуда на Градот Скопје во рамките на кандидатурата за Скопје – Европска престолнина на културата 2028.
Извор: Град Скопје
