Во рамки на проектот за Реконструкција на локалните патишта и улици, Општина Илинден отпочна со реконструкција на коловозот на најоштетениот дел од локалниот пат Илинден-Хиподром.
Увид на градежните работи на терен и динамиката на активностите денес изврши градоначалникот на Општина Илинден, Александар Георгиевски. Тој се запозна со активностите за реконструкцијата на патот кој ќе биде реконструиран во должина од 700 метри и широчина од 6 метри.
Овој проект се реализира во соработка со Центарот на Скопски плански регион и предвидено е да биде завршен во рок од 90 дена.
Локалниот пат Илинден – Хиподром е од големо значење за жителите, затоа што Општината ја поврзува со Градот Скопје, со локалната економска зона, и е главна артерија за јавниот превоз во општината. Со реконструкцијата ќе се обезбеди поголема безбедност на возачите кои го користат овој пат, со што ќе се создаде безбедна патна инфраструктура и решавање на проблемите на граѓаните.
