На вонредната седница на Совет на Општина Демир Хисар, која се одржа во работниот кабинет на градоначалникот, се донесе одлука, со којашто се обезбеди финансиска поддршка во износ од 100.000 ден. за настраданите во разорниот земјотрес што ги погоди подрачјата на Република Турција и Република Сирија.
Градоначалникот Никола Најдовски, од името на граѓаните на Општина Демир Хисар и од негово лично име, изрази длабоко сочувство до фамилиите на жртвите, до турскиот и сирискиот народ за страшната трагедија која ја предизвика земјотресот и посака брзо закрепнување од последиците.
Во овие тешки моменти, Општина Демир Хисар и демирхисарци се сочувствуваат со граѓаните на Р. Турција и Р. Сирија, солидаризира, тагува и дава почит за големиот број загубени човечки животи.
Никогаш и никаде да не се повтори ваков страотен земјотрес!
Извор: Општина Демир Хисар
