На 16-март се одржа работилница за сајбер безбедност за вработените во Секретаријатот на Државната комисија за спречување на корупцијата, во организација на Здружение ИМПЕТУС – Центар за интернет, развој и добро управување, а со поддршка на Министерството за надворешни работи, Комонвелт и развој при Обединетото Кралство и Женевскиот центар за управување со безбедносниот сектор.
На работилницата вработените имаа можност да научат за сајбер закани, ризици, предизвици, но и алатки за заштита и превенција. Воедно, имаа можност на интерактивен начин и преку дискусија да вежбаат преку сценарија на сајбер напади како да реагираат и на што треба да внимаваат.
Во рамки на работилницата беа вклучени и студенти од ФИНКИ како поддршка на настанот и споделување добри пракси.
Извор: Општина Кисела Вода
