Министерот за информатичко општество и администрација Адмирим Алити, оствари работна средба со амбасадорот на Кралството Шпанија, Н.Е. Хозе Луиз Лозано Гарсија.
Министерот Алити и амбасадорот Гарсија разговараа за теми поврзани со можностите за соработка, тековните проекти и предизвици, како и идните планови.
,,Посветени сме на развојот на професионална, одговорна, стручна и отчетна администрација, базирана на дигитализација, услужно ориентирана кон граѓаните и бизнис-заедницата, која ги исполнува меѓународните и европските вредности и стандарди за добро владеење“, истакна меѓу другото министерот Алити.
На средбата уште еднаш беше потврдена поддршката што Шпанија и ја дава на нашата држава во однос на реформските процеси и заложбите кон патот во ЕУ, за што министерот Алити изрази голема благодарност.
Извор: Министерство за информатичко општество и администрација