-Освојувањето на бронзениот европски медал дава надеж дека Петар ќе тргне по стапките на многу наши македонски боксери и дека ќе ги достигне нивните остварувања на големите меѓународни настани.
Европските и светски медали на Вели Мумин, Примислав Димовски, Фатон Салиху, Аземи, Русевски треба да претставуваат само мотивација за младиот боксер, истакна директорот на Агенцијата за млади и спорт Наумче Мојсовски.
На пресот свои излагања имаа и тренерот на Арсовски, како и претседателот на Боксерската федерација Примислав Димовски.
-Остварувањето на овој успех за нас не е неочекуван, и сметам дека неговиот медал заедно со медалот на Ардијан Аземи од пред две години покажуваат дека имаме млади таленти со кои може да се работи и дека сретствата кои АМС ги обезбедува се оправдани, истакна Примислав Димовски.
Тој додаде дека Париз 2024, па и Лос Анџелес 2028 се можеби далеку, но со вакви таленти шансите за обезбедување настап, но и остварување резултат се големи.
Извор: Агенција за Млади и спорт
