Минатата година, преку Систем 48 до Општина Гевгелија
пристигнале вкупно 292 барања од граѓани на општина Гевгелија. Од нив, 236 се решени, 34 се одложени, а 22 незапочнати. Најголемиот број на барања се однесуваат за интеревенции во уличното осветлување 148, од кои 136 се решени. 76 барања биле од делокругот на работењето на ЈПКД „Комуналец“- Гевгелија (решени 68), 36 барања за надзор од општинските инспектори (решени 30), а 32 за интервенции во патната инфраструктура, од кои решени се само 2, во надлежност на Општина Гевгелија.
Инаку, Систем 48 е една од алатките во Општина Гевгелија, со која на граѓаните им се овозможува телефонски или по електронски пат да ги пријавуваат проблемите, за кои надлежна е општината. Поточно, по пријавеното барање, надлежните општински служби и ЈПКД „Комуналец“ да постапат за решавање, достават одговор за преземените мерки во рок од 48 часа или да ги упатат граѓаните до надлежните државни органи и институции за решавање доколку пријавениот проблем не е во надлежност на локалната самоуправа.
Заради поголема ефикасност на Систем 48 часа, на почетокот од минатата годината, во Општина Гевгелија беа преземени активности за навремено решавање и постапување по сите пријавени проблеми.
Извор: Општина Гевгелија