Завчера во просториите на Општина Пехчево беше потпишан Договор помеѓу Центарот за развој на Источен плански регион, фирмата „Градежник ИНГ“ ДООЕЛ Берово и крајниот корисник Општина Пехчево за реализација на проектот „Уредување на рекреативен центар во туристичка населба Равна Река – I и II фаза“.
Проектот е во вредност од 12.023.416,48 денари и е финансиран од страна на Бирото за регионален развој преку Програмата за рамномерен регионален развој за 2021/2022 година, спроведен од страна на Центарот за развој на Источен плански регион, а краен корисник од реализација на истиот е Општина Пехчево.
Времетраењето на проектот е во период од шест месеци од денот на воведување во работа.
Извор: Општина Пехчево
