Во просториите на општина Гази Баба градоначалникот Бобан Стефковски го потпиша меморандумот за соработка на општина Гази Баба со Здружението за Асистивна технологија “Отворете ги прозорците” чија цел е реализација на проектот Инклузија на деца со посебни образовни потреби.
Овој проект ќе се реализира со заедничка соработка помеѓу општината, здружението и Детската фондација Песталоци, а во насока на поддршка на образовните политики и иницијативи за обезбедување инклузивно образование.
Процесот на инклузија на децата со посебни образовни потреби од сите нас бара сериозна посветеност која ние преку реализација на различни проекти ја докажуваме.
Извор: Општина Гази Баба
