Црвениот крст- ОО Гевгелија организира уште една крводарителска акција во Гевгелија.
Имено, на 13 октомври, во просториите на Народниот театар- Гевгелија, во периодот од 11:00 до 15:00 часот, ќе биде одржана втората по ред крводарителска акција „Дарувај крв, спаси живот“, во организација на хуманитарната организација од Гевгелија, а во соработка со службата за Транснфузиона медицина.
Раководството на Црвениот крст од Гевгелија апелира до граѓаните кои се заинтересирани да ја даруваат својата крв, најдоцна до 12 октормври да се пријават во просториите на Црвен крст- ОО Гевгелија или својата хуманост да ја потврдат преку телефон, на следниве броеви: 077 750 120 и 077 699 036. Дарувањето крв ќе се одвива по принципот „прв пријавен-прв услужен“, како би се избегнале недоразбирањата и стварањето гужви. Од причини што единиците за крв ќе бидат ограничени. Исто така, апелира и за почитување на заштитните мерки против КОВИД-19, односно носење маска и дезинфицирање на рацете, бидејќи се работи за настан кој ќе се одржи на затворено.
Во рамките на едукативно-образовните работилници, а по повод Светската недела на детето, волонтерите од Клубот на млади при Црвениот крст од Гевгелија им одржаа предавања со практични вежби на учениците од двете Основни училишта во Гевгелија „Владо Кантарџиев“ и „Крсте Мисирков“ на тема „Прва помош“.
Извор: Општина Гевгелија
